خلنى معك ابتدى اول الخطوات فى حياتى واشعر مثل باقي البشر انى بشر
 
الرئيسيةالبوابةس .و .جالتسجيلدخول

شاطر | 
 

 شوف الحاكم فى مطار انتيكا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
Admin
avatar

المساهمات : 129
تاريخ التسجيل : 01/06/2008
العمر : 28
الموقع :

مُساهمةموضوع: شوف الحاكم فى مطار انتيكا   الإثنين يونيو 02, 2008 8:57 pm

في مطـار أنتيكــ




في الصباح الباكر في مطار انتيكا الدولي....

الحاكم: انت حجزتلي على انهي شركة يا عبده؟

عبده: الشركة الوطنية يا فندم.. انتيكا للطيران

الحاكم: يادي الهباب المقطرن.. الحق اكتب وصيتي بقى

عبده: معلش يا فندم دى ارخص رحله موجوده

الحاكم: طبعا لانها هاتوصل بعد شهرين زى قوافل الحجاج بتوع زمان






الكابتن يستقبل الحاكم

الكابتن : يا اهلا يا اهلا بجناب الحاكم.. معلش السلم الكهربا مش شغال.. اطلع السلم وخلى بالك من السلمه المكسوره...

الحاكم: هو انا طالع بيت فى الدويقة؟


يصعدان معا حتى باب الطائرة....

الكابتن: يا تلتميت مرحبا.. الطيارة نوّرت اتفضل ياجناب الحاكم سمّي وادخل برجلك اليمين

الحاكم: اخبار الطيارة ايه يا كابتن؟

الكابتن: كله زى الفل.. غيرنا الاستبن وزودنا بنزين والجناح المكسور لزقناه بالسوليتيب وبقى زي الفل

الحاكم: هى الطياره مكسورة الجناح؟ استر يا ستاااااااااااااار







يكمل الحاكم:

الحاكم: امّال فين المضيفات الحلوات هو مفيش حاجه نشربها؟


الكابتن: ثانية واحدة يا فندم ابعت حد حالا


ويدخل رجل يرتدي مريلة بيضاء ويحمل صينيه ويبدو عليه انه (( قهوجى ))

القهوجى: ايوه جااااااي

الحاكم: ايه ده اومال فين المضيفة؟؟

القهوجى: مانا هو قدام معاليك اؤمر ياباشا

الحاكم: عايز قهوه سكر زيادة

القهوجى يصيح: وعندك واحد قهوه سكر عالي لجناب الحاكم وصلّحه.. (يكلم عبده) والباشا يشرب ايه؟

عبده: شاي بحليب

القهوجى يصيح: وكمان واحد شاي بقلب ابيض


يهم بالانصراف ثم يعود ليسأل

القهوجى : حد فيكم عايز يشيّش؟

الحاكم: يشيش؟ احنا فين يا عبده

عبده: معلش يا فندم.. ( للقهوجى) انا عايز تفاحه وحمر بالولعة

الحاكم: قهوه وشيشه احنا في الفيشاوي للطيران ولا ايه؟







بعد قليل يمر بائع بين صفوف الركاب يوزع نعناع

البائع: سلي طريقك ونعنش بقك وافتح صدرك بربع جنيه يرجع الصحة ويجلي الكحة بربع جنيه.. مين قال هات!؟

عبده : اجيبلك نعناع يافندم؟

الحاكم: نعناع ! والله مش ناقص غير ان سواق الطيارة ييجي يلم الاجره


ويوصل القهوجى بالطلبات......

الحاكم: كفايه دخان بقى يا اخي خنقتنى

عبده : ياخبر يا فندم.. افتحلك الشباك؟

الحاكم: تفتحلي الشباك!! ليييييييه هيّ طيارة نقل عام؟

عبده : انا بقول يعني عشان الدخان مضايقك

ويكمل عبده: تحب اجيب لك سوبيا او تمر هندى؟

الحاكم: منين؟

عبده : في بياعين سريحه هيعدّوا جنب الطيارة ببراشوتات





يقطع الحوار صوت الكابتن.....

"كابتن الطيارة يحيكم ويهنئكم بقرب الوصول مطار اورلي"


الحاكم: ياااااه اخيرا

عبده : حمد لله على السلامة يا فندم

الحاكم: ده انتم هتشوفوا ايام سودة انت ووزير الطيران بس لما نرجع انتيكا

" كابتن الطياره يخبركم اننا الان فوق مطار اورلي واللي نازل اورلي يقرّب على الباب"

الحاكم: يقرب على الباب!!.. هو مش ناوي يقف؟

عبده : صعب يا فندم.. أصل في لجنة على اول المطار

الحاكم: وطبعا مش معاه رخصه.. اومال هننزل ازاي؟

عبده : هنّط

الحاكم: ننط؟

عبده : متخافش انا ححاول اتصرفلك في براشوت او كيس نايلون





" كابتن الطيارة يخبركم انه سيقوم بعمل هبوط اضطراري في المطار لعمل صيانة في المحرك"

-عبده: اهي اتحلت.. الراجل هينزل غصب عنه حظك حلو يا فندم


الحاكم وعبده يهبطان من الطائرة وسط زحام شديد من الركاب فى حين يطارد القهوجى ركاب الطائرة مطالبا بحسابه.. وفي حين يخرجان من المطار

يصرخ الحاكم

الحاكم: الحقني يا عبده

عبده : خير يا فندم

الحاكم: انا اتنشلت




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elmoshakx.yoo7.com
 
شوف الحاكم فى مطار انتيكا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
elmoshakx.yoo7.com :: المنتدى الترفيهي :: قسم النكت-
انتقل الى: